Manteision maethu
Ydych chi’n hoffi’r syniad o ddeffro yn y bore i weld ci bach cyffrous yn ysgwyd ei gynffon? Neu o fynd am dro gyda chyfaill bach blewog i’ch helpu i fynd allan drwy’r drws bob dydd? Dyma ddim ond rhai o’r manteision o faethu ci gyda’r Prosiect Rhyddid.
Dim biliau llawfeddyg
Mae maethu ci gyda ni’n ddi-gost – byddwn ni’n talu am yr holl gostau bwyd, biliau llawfeddyg a deunydd gwely.
Lechyd ac ymarfer corff
Gall gofalu am gi eich annog i fynd am droeau hirach ac aros yn egnïol. Gall hefyd eich helpu i gyfarfod â phobl yn eich cymuned.
Rhoi’n ôl
Mae ein gofalwyr maeth yn gwybod eu bod nid yn unig yn helpu ci mewn angen ond hefyd yn helpu i ddiogelu teulu.
Lles
Yn ôl llawer o’n gwirfoddolwyr, mae cael cwmni ci yn eu cartref wedi cael effaith bositif ar eu lles a’u hiechyd meddwl.
Cyfrinachol
Oherwydd natur ein gwaith, ni chewch wybod dim byd am deulu’r ci ac ni fyddan nhw’n gwybod dim byd amdanoch chi. Mae gennym bolisïau a gweithdrefnau i warchod cyfrinachedd ein cleientiaid a’n gwirfoddolwyr.
Tîm cefnogol
Bydd ein tîm profiadol wrth law i helpu bob cam o’r ffordd. P’un ai drwy sgwrsio am antur ddiweddaraf y ci neu roi cyngor ac arweiniad drwy hyfforddiant cŵn.
Gwahanol fridiau
Mae ein gofalwyr maeth yn ennill profiad gwerthfawr drwy ofalu am wahanol fridiau o gŵn o wahanol natur a chymeriad.
Cyfathrebu a diweddaru rheolaidd gan y tîm
Ni allwn redeg y prosiect hanfodol hwn heb ein gwirfoddolwyr anhygoel ac rydym eisiau diweddaru ein gofalwyr maeth ar bopeth y llwyddwn i’w wneud.
"Gall fod yn anodd i’n gofalwyr maeth ffarwelio â’u cŵn ar ddiwedd y siwrne faethu, ond maen nhw’n gwybod eu bod yn dychwelyd at deulu sydd wedi eu colli’n ofnadwy.
Yn aml iawn bydd ein cleientiaid yn ysgrifennu llythyrau diolch bendigedig at ein gwirfoddolwyr, sy’n cael eu pasio ymlaen yn ddiogel a di-enw gan ein tîm. Mae’r llythyrau’n aml yn dweud na fydden nhw’n gwybod ble fydden nhw heddiw heb help y gofalwr maeth.
Pob dydd, drwy gymorth y Prosiect Rhyddid a’n gofalwyr maeth anhygoel, mae teuluoedd yn gallu dianc rhag cam-drin ac ail-afael yn eu bywydau. Ac mae hynny’n wych."
Laura – Rheolwr Rhanbarthol Prosiect Rhyddid
