Cwestiynau Cyffredin

Ar gyfartaledd, mae cŵn yn aros ar y Prosiect Rhyddid am rhwng 6 a 9 mis; fodd bynnag mi all fod yn llawer llai neu ychydig yn fwy.

Yn anffodus, ni ellir mynd â chŵn maeth dramor. Fodd bynnag, efallai y bydd modd mynd â hwy i fannau sy’n croesawu cŵn yn y DU.

Byddai’n rhaid trafod hyn â thîm y prosiect, a byddai’n dibynnu ar natur y ci, ac unrhyw ffactorau eraill a all effeithio ar eu gallu i deithio.

Rydym yn sylweddoli bod ein gofalwyr maeth yn haeddu gwyliau, felly os na all eich ci maeth fynd gyda chi, mi allwn drefnu cartref maeth dros dro arall ar eu cyfer tra byddwch i ffwrdd.

Mi ydym ni’n darparu popeth fydd ei angen ar gyfer y ci, gan gynnwys bwyd, blanced, coleri, tennyn, danteithion, teganau ac yn y blaen.

Ni fydd maethu â ni’n costio ceiniog i chi.

Byddwn yn talu cost unrhyw driniaeth gymeradwy a fydd ei hangen ar y ci, gan gynnwys brechiadau, triniaethau chwain a llyngyr, ac unrhyw feddyginiaethau penodol a fydd yn cael eu hargymell gan eich milfeddyg.

Bydd rhai cŵn wedi cael eu hysbaddu’n barod, ond efallai y bydd yn rhaid i rai gael eu hysbaddu gan eich milfeddyg lleol ar ôl iddynt setlo.

Byddwn yno i’ch helpu bob cam o’r ffordd.

Bydd, yn bendant.

Mae ein tîm profiadol wrth law i helpu ein holl ofalwyr maeth a’u cŵn drwy gydol y lleoliad maethu.

Rydym yn gofyn i bob gofalwr roi amser ac amynedd i’r ci pan fyddant yn eu derbyn i’w cartref, ond byddwn ar gael i’ch helpu gydol yr amser. Mae hyn yn cynnwys rhif ffôn argyfwng y tu allan i oriau swyddfa ar gyfer ein gwirfoddolwyr.

Fodd bynnag, rydym yn sylweddoli na fydd pethau’n digwydd yn ôl y disgwyl bob amser. Os bydd angen, mi allwn gymryd y ci’n ôl a’i leoli mewn cartref maeth arall.

Rydym wrth law bob amser i helpu ein gwirfoddolwyr.

Mae gen i rif argyfwng tu allan i oriau y gallwch ei ffonio unrhyw bryd.

Mae pob ci maeth yn cael ei baru’n unigol â chartref maeth, er mwyn dod o hyd i’r gofalwr a’r cartref maeth gorau posibl i gi penodol.

Weithiau, mi all gymryd llawer mwy o amser i baru â chi maeth, yn enwedig os oes gennych blant neu anifeiliaid anwes eraill yn y cartref.

Ein nod yn y pen draw yw dychwelyd pob ci at ei berchennog.

Efallai na fydd nifer fach o gŵn yn gallu mynd yn ôl at eu perchennog ac efallai y bydd angen dod o hyd i gartref iddynt parhaol drwy’r Dogs Trust.