Cwestiynau Cyffredin

Wrth gwrs! Cyn gynted ag y bydd gennych gartref diogel a/neu y byddwch yn gallu gofalu am eich ci eto, cysylltwch â ni ac mi wnawn drefnu i ddychwelyd eich ci atoch cyn gynted â phosibl.

Dychwelyd cŵn at eu teuluoedd yw un o’r pethau gorau am y prosiect.

Oherwydd natur gyfrinachol y Prosiect Rhyddid, yn anffodus ni fydd yn bosibl i chi ymweld â’ch chi pan fydd yn cael ei faethu.

Ond, mi fyddwn yn anfon diweddariadau a lluniau atoch bob mis i chi gael hanes eich ci.

Mae gan ein holl ofalwyr maeth brofiad o ofalu am gŵn ac maent yn mynd trwy broses ymgeisio a chyfweliad cyn y gallant faethu. Mae hyn yn cynnwys ymweliad â’u cartref a chael geirdaon.

Byddwn yn gwneud popeth a fedrwn i’ch helpu i gael eich ci’n ôl.

Ond os na fyddwch yn gallu ei gymryd yn ôl, mi allwn drefnu i ddod o hyd i gartref newydd iddo drwy un o’n canolfannau ailgartrefu.

Wrth gwrs, mi fydd unrhyw benderfyniad i’w ailgartrefu’n cael ei wneud ar y cyd â chi.

Yn unol â chyngor milfeddygol, rydym yn ymdrechu i ysbaddu pob ci ar y prosiect. Ni fyddwn yn codi tâl arnoch am hyn. Efallai y bydd rhai achosion lle na fydd hyn yn bosibl, oherwydd oedran neu iechyd y ci.

Gadewch inni wybod os oes gennych unrhyw gwestiynau neu bryderon a byddwn yn hapus i’w trafod.

Rydym yn cynnig lleoliadau maethu dros dro am hyd at 6 mis, ond efallai y gallwn gynnig rhai estyniadau byr yn ddibynnol ar yr achos.

Nac oes, mae hwn yn wasanaeth di-dâl. Byddwn yn trefnu popeth fydd ei angen ar eich ci, gan gynnwys bwyd, gwely a blanced, danteithion, teganau, coler a thennyn.

Gallwch atgyfeirio’n uniongyrchol atom ni neu gallwch ofyn i’ch gweithiwr cymorth am help.

Rhagor o wybodaeth am sut i atgyfeirio eich ci

Mae ein holl gŵn maeth yn cael archwiliad iechyd manwl tra byddant yn ein gofal. Mae hyn yn cynnwys unrhyw driniaeth angenrheidiol fel brechiadau, triniaethau chwain a llyngyr, ysbaddu a meddyginiaethau os bydd angen.

Pan yn bosibl byddwn yn gwneud pob ymdrech i gadw cŵn o’r un aelwyd gyda’i gilydd.

Mewn rhai amgylchiadau, ni fydd hyn yn bosibl, yn ddibynnol ar faint neu ymddygiad y cŵn.

Byddwn yn trafod hyn â chi ar adeg yr atgyfeiriad, a byddwn bob amser yn gwneud yn siŵr bod pob ci’n cael ei leoli gyda gofalwr maeth addas.